The Barnyards o’ Delgaty

As ah gaed doon tae Turra Merket,

Turra Merket fur tae fee,

Ah met in wi a wealthy fairmer,

The Barnyards o’ Delgaty.

 

Chorus

Linten adie, tooren adie,

Linten adie, tooren ay,

Inten lowerin lowerin lowerin,

The Barnyards o Delgaty.

 

He promised me the twa best horse,

I ever set my een upon.

When ah gaed hame tae the Barnyards

There was nothin’ there but skin an’ bone.

 

The auld grey mare sat on her hunkers,

The auld dun horse lay in the grime.

For aa that I would ‘hup’ an’ cry,

They wouldna rise at yokin time.

 

When I gang tae the kirk on Sunday,

Mony’s the bonny lass I see,

Sittin’ by her faither’s side,

Winkin’ ower the pews at me.

 

Some can drink an’ nae be drunk,

An’ some can fecht an’ nae be slain.

I can coort anither man’s lass,

An’ aye be welcome tae my ain.

 

Ma candle noo is fair brunt oot,

The snotter’s fairly on the wane,

Fare ye weel, ye Barnyards,

Ye’ll ne’r catch me here again.

© Content 2012-14 Banffshire Maritime.
Created by SilverBack